الصفحة الرئيسية › أخبار وطنية

أخبار وطنية لزهر الضاوي يرثي حال تونس بقصيدة : “بعنا رادس..بعنا رادس”..

تحت عنوان “بعنا رادس” كتب شاعر المناجم لزهر الضاوي قصيدة رثى فيها حال تونس بعدما أعلن وزير المالية نية رهن ملعب رادس بواسكة الصكوك الإسلامية.. وهذا ما جاء في نص قصيدة الضاوي:

بعنا “رادس”..بعنا “رادس”..

بمدَارحها..بكراسيها..

و”الملعب” ..و”العشب الأخضر”..

“مبروكين..على شاريها “

… بعنا “الدّخلة”..وبعنا “الخرجة”

بعنا “الشماريخ”..و”الهَرجة”

بعنا “الجو”..وبعنا “الفُرجة”..

و “لَهداف “الّلي تمَركوا فيها…

يا تونس شوفي آشكون خطبك..

“يا عروسة…ربّي يهنّيها ”

جاي من الابعاد..”يحبك” “ما نعرّس

-قال – الّا بيها ” “عريسك”..صيّاد ” الحبارى “..

ولّا “الحبارى”..نسيتيها..؟؟

وهزّك ليه “شاكر” ..

في شكارة طابع “خزندار “..عليها..

!! ……………………… اليوم راحت منا “المسميّة ”

واحنا اللي سلمنا فيها..

وب”الصكوك الاسلامية ” جتها الصّكّة..بين عينيها…

قعَدت نخمّم..مُخيّ حابس..

قالولي ما تخمّم فيها..

غدوة من بنزرت لقابس تنبيعوها …بُامّاليها..

……………………….؟؟؟ ابكوا معايا…وزيدوا ابْكُوا على تونس ما صايِرْ فيها ..!!

– قفصة30/ 10/ 2015 –"